चेल्सीलाई एफए कप, युनाइटेड पराजित

चेल्सीले शनिबार एफए कप जितेको छ । म्यानचेस्टर युनाइटेडलाई १–० ले हराउँदै चेल्सीले आठौं पटक एफए कप जितेको हो । इडेन हाजार्डले २२ औं मिनेटमा पेनाल्टीमार्फत गरेको गोल नै खेलको निर्णायक बनेको थियो ।


सम्भवत चेल्सी छोड्नु पर्ने अवस्थामा रहेका प्रशिक्षक एन्टोनियो कोन्टेका लागि त्यो उपाधि उपहार हुन सक्दछ । लगातार दोस्रो बर्ष फाइनल खेलेको चेल्सी हाजार्डको गोलले चेल्सीले निराश हुन परेन । गत वर्ष चेल्सी फाइनलमा आर्सनलसँग पराजित भएको थियो ।

फिल जोन्सले पेनाल्टी बक्समा फाउल हानेपछि चेल्सीले पेनाल्टी पाएको थियो । एफए कपको जितेपछि कोन्टेको चेल्सी बसाई असम्भव जस्तै देखिएको छ । प्रिमियर लिगको यो सिजन टोलीले पाँचौं स्थानमा अन्त्य गरेको थियो ।