किरण चेम्जोङ आज माल्दिभ्स फर्किदै

काठमाडौं (हाम्रो खेलकुद)– ताजकिस्तानसँगको एएफसी एसियन कप छनोट चरण खेल्न आएका राष्ट्रिय टोलीका गोलकिपर किरण चेम्जोङ आज साँझ माल्दिभ्स फर्कदैछन् । कतार एयरवेजबाट कतार हुँदै उनी भोली बिहान माल्दिभ्स पुग्नेछन् । माल्दिभ्सको टिसी स्पोर्टसबाट व्यवासयिक फुटबल खेल्दै आएका किरणको टोलीको धिवेही प्रिमियर लिग (डिपिएल) मा पाँच दिनपछि खेल छ ।

उनी भदौं १० मा स्वदेश आइपुगेका थिए । ताजकिस्तानसँग मंगलबार २–१ ले पराजित भएपछि भने किरण निराश भएर फर्कदैछन् । ‘पहिलो हाफमा हामी निकै दबाबमा खेल्यौं । तर, दोस्रो हाफमा हाम्रो प्रदर्शनमा सुधार आएको थियो’ किरणले भने, ‘दोस्रो हाफको प्रदर्शन सुरुबाट गर्न सकेको भए जित्न सकिन्थ्यो, नभए कम्तीमा बराबरी हुन्थ्यो । तर सोचे जस्तो भएन । यसले अगाडिको यात्रामा दबाब पर्ने भयो ।’