मलेसिया विरुद्द नेपाल: नेपाल टस जितेर बलिङ गर्दै

एसिसी यू-१९ पूर्वी क्षेत्रीय क्रिकेट प्रतियोगिता अन्तर्गत सेमिफाइनल खेलमा नेपालले मलेसिया विरुद्ध टस जितेर बलिङ्ग गर्ने निर्णय गरेको छ ।मलेसिया स्थित किन्रारा ओभल मैदानमा नेपालले घरेलु टोलीको सामना गर्दैछ ।

समूह‘ए’ को सबै खेल जितेको नेपाल विजेताका रुपमा अन्तिम चारमा पुगेको थियो । मलेसिया अर्को समूहको उपविजेताका रुपमा अघि बढेको थियो । अर्को सेमिफाइनलमा नेपालको समूहमा रहेको सिंगापुर र हङकङबीच प्रतिस्पर्धा हुनेछ । सेमिफाइनल जित्ने दुई टोली यू १९ एसिया कपका लागि छनोट हुनेछन् ।

समूह चरणमा नेपालले पहिलो खेलमा थाइल्यान्डलाई २ सय ५५ रनले, दोस्रोमा भुटानलाई ९ विकेट र हिजो अन्तिम खेलमा सिंगापुरलाई ७ विकेटले हराएको थियो ।