बिमलको त्यो गोल !

 एएफसी एसियन कपको छनोटमा मंगलबार नेपाल नेपाल घरलु मैदानमा ताजिकिस्तानसँग २–१ ले पराजित भएको थियो । आधा घन्टामा नै २–० ले पछि परेको नेपालले खेलाडी परिवर्तन गरेपछि दोस्रो हाफमा सुधारिएको प्रदर्शन गरेको थियो । नवयुग श्रेष्ठलाई ३९ औं मिनेटमा परिवर्तन गर्दै मैदान प्रवेश गरेका विमल घर्तीमगरले ६१ औं मिनेटमा गोल गर्दै नेपाललाई खेलमा फर्काउने प्रयास गरेका थिए ।

सानै उमेर देखि सँगै खेल्दै आएका अन्जन विष्टसँग राम्रो तालमेल मिलाउदै विमलले नेपालको लागि गोल गरेका थिए । अन्जनले मिडफिल्डबाट दिएको बललाई पहिलो टचमा ताजिकिस्तानका दुई रक्षकबीच स्पेस बनाउदै उनले गोलकिपर माथिबाट चिप गरेका थिए ।

विमलले झन्डै १० महिनापछि राष्ट्रिय टोलीका लागि गोल गरेका हुन् । मलेसियामा कात्तिकमा नेपालले सोलिडारिटी कप जित्दा विमलले मकाउविरुद्ध गोल गरेका थिए । त्यसयता उनको यो पहिलो गोल हो । राष्ट्रिय टोलीबाट विमलले अहिले सम्म ६ गोल गरिसकेका छन् ।

हाम्रो खेलकुदबाट सभार गरिएको