अन्तिम खेलमा नेपाल पराजित, समुहको पुछरमा नेपाल

एएफसी यु १६ च्याम्पियन्सिप छनोट चरणअन्तर्गत एपीएफको हलचोकस्थित रंगशालामा नेपालप्यालेस्टाइन विरुद्ध २- १ ले हारेको छ । प्यालेस्टाइनका लागि महमोद रिदातले दुई गोल गरे भने नेपालकालागि बिर्जेश चौधरीले एक गोल गरेका थिए ।

खेलको १० औं  मिनेटमा प्यालेस्टाइनका डिफेन्डर मुआथ बारहाउसले अाकाश बुढा मगरलाई लडाउँदा पाएकोपेनाल्टीलाई नेपालका बिर्जेश चौधरीले आरामसँग गोलमा परिणत गरेका थिए । बिर्जेशले भारत विरुद्ध पनि दुई गोलगरेका थिए ।

त्यस्तै खेलको २८ औँ मिनेटमा मिडफिल्डबाट आएको पास सदुपयोग गर्दै प्यालेस्टाइनका महमोद रिदातले गोलकिपरविशाल सुनारलाई छक्याई गोल गर्दै खेल बराबरी बनाएका थिए । सो गोल प्यालेस्टाइनको यस प्रतियोगितामा पहिलोगोल थियो । पहिलो हाफमा दुवै टोली खुलेर खेल्दै थुप्रै अवसरहरु सिर्जना गरेका थिए ।

नेपालले दोस्रो हाफको ६१ औँ मिनेटमा गोल गर्ने राम्रो अवसर पाएको थियो । डि–बक्स भित्रबाट दर्शन गुरुङले गरेकोप्रहार प्यालेस्टाइनी गोलकिपर मोहम्मद हामेदले राम्रो बचाऊ गरेका थिए । दोस्रो हाफमा नेपाल अग्रता लिन अझ बढीप्रयासरत देखिए पनि ७५ औँ मिनेटमा प्यालेस्टाइनले काउन्टर अट्याकमा गोल गर्दै खेलमा अग्रता लिन सफल भएकोथियो ।

काउन्टर अट्याकमा बसार सइदले बल अगाडि लग्दै महमोद रिदातलाई पास दिएका थिए । रिदातले डि–बक्सभित्रपाएको सो अवसरको राम्रो सदुपयोग गर्दै स्कोर २–१ बनाएका थिए ।यस नतिजासँगै प्यालेस्टाइन ३ अंक बटुल्दै तेस्रोस्थानमा उक्लेपछी ५ अंक बटुलेको भारतको छनोट हुने सम्भावना बलियो बनेको छ । त्यस्तै नेपाल १ अंकसहितसमूहको पुछारमा रहेको छ । इराक भने ७ अंक सहित समूह विजेताको रुपमा स्वत: छनोट भएको हो ।      

समूहको पहिलो खेलमा नेपाल इराकसँग १–० ले हारेको थियो भने दोस्रो खेलमा भारतसँग २–२ को बराबरी खेलेकोथियो । त्यस्तै पहिलो खेलमा भारतसँग ३–० ले हारेको प्यालेस्टाइनले दोस्रो खेलमा इराकसँग ४–० को हार बेहोरेकोथियो । यस अघिको खेलमा इराक र भारतले गोलरहित बराबरी खेलेसँगै नेपालको छनोटको सम्भावना समाप्त भएकोथियो । प्यालेस्टाइन भने दुई हार बेहोर्दै पहिले नै बाहिरिसकेको थियो ।

हाम्रो खेलकुदबाट