इण्डोनेशियामा रोहितको टोलीको रोमाञ्चक जित (भिडियो सहित)

 इण्डोनेशियामा व्यवसायीक फुटबल खेलिरहेका नेपाली राष्ट्रिय फुटबलर रोहित चन्दको टोली पर्सिजा जकार्ताले इण्डोनेशियन सुपर लिगमा रोमाञ्चक जित हात पारेको छ ।

शुक्रबार भएको अवे खेलमा एक गोलले पछि परेको स्थिति उल्टाउँदै जकार्ताले मित्र कुकरलाई २–१ ले पराजित गरेको छ ।
खेलको ४१ औं मिनटमा लेवटको पनाल्टी गोलबाट अग्रता लिएको मित्र कुकरले त्यसलाई धेरैबेर जोगाउन सकेन ।

दोस्रो हाफको पहिलो मिनटमै रोहित चन्दको क्रस पासमा ब्रुनो लोपेजले हेडद्वारा गोल गर्दै खेललाई १–१ को बराबरीमा ल्याएका थिए ।

त्यस्तै खेलको ६६ औं मिनटमा रमदानीले जकार्ताका लागि दोस्रो तथा निर्णायक गोल गरे । जितसँगै २३ खेलबाट ३९ अंक जोडेको जकार्ता अंकतालिकाको पाँचौं स्थानमा उक्लिएको छ ।

जकार्ताले लिग अन्तरगत अब शिर्ष स्थानमा रहेको बाली युनाइटेडसँग सेप्टेम्बर १५ तारीखमा अर्को खेल खेल्नेछ ।
पर्सिजा जकार्ता र मित्र कुकरबीचको म्याच हाइलाईट भिडियो हेर्नुहोस:

VIDEO!

खेलदैनिक