अभ्यास खेलमा नेपाली टोली टस जितेर ब्याटिङ गर्दै

 विश्व क्रिकेट लिग (डब्लूसिएल) च्याम्पियनसिपको तयारीका लागि भारतको चेन्नईमा रहेको नेपाली क्रिकेट टोलीले आज तमिलनाडु प्रिमियर लिगको डिन्डिगुल ड्रयागन्ससँग पहिलो अभ्यास खेल खेल्दैछ ।

५० ओभरको अभ्यास खेलमा नेपाली टोलीका कप्तान पारस खड्काले टस जितेर ब्याटिङ रोजेका छन् । अर्को महिना हङकङविरुद्ध हुने डब्लूसिएलका दुई खेलको तयारीका लागि नेपाली टोली आइतबार चेन्नई पुगेको थियो ।

चेन्नइमा नेपालले ४ अभ्यास खेल खेल्ने तय भएको छ । हिजै हङकङसँग खेल्नका लागि १४ सदस्यीय टोलीको पनि घोषणा भइसकेको छ । जसमा पहिलो पटक ललितसिंह भण्डारी र सुशिल कंडेल समेटिएका छन् । नेपाल र हङकङबीच अक्टुबर १३ र १५ मा दुई खेल हुनेछन् ।

हाम्रो खेलकुद