५० क्याप जितेर "सन्यास" लिने अनिलको सपना अधुरै

घरेलु मैदानमा अन्तिम खेल खेल्दै नेपाली राष्ट्रिय फुटबल टोलीबाट ५० ‘क्याप’ पुरा गर्ने अनिल गुरुङको योजना यस पटक पुरा नहुने भएको छ । घरेलु फुटबलमा छोटो समयमा प्रभाव पार्न सकेका त्रिभुवन आर्मी क्लबका फरवार्ड जर्ज प्रिन्स कार्की भने पहिलो पटक राष्ट्रिय टोलीमा मौका पाएका छन् ।
एएफसी एसियन कप छनोटअन्तर्गत ताजकिस्तानविरुद्धको खेलका लागि मुख्य प्रशिक्षक ग्यातुको कोजीको नेतृत्वमा रहेको प्रशिक्षण टोलीले २३ सदस्यीय टोलीको अन्तिम छनोट गर्दा अनिल अटेनन् । ताजकिस्तानकै खेलको तयारीका लागि जापान भ्रमणमा गएका अनिलसँगै गोलकिपर एलेन न्यौपाने, मिडफिल्डर राजेन्द्र रावल र रक्षक मानबहादुर तामाङले पनि अन्तिम छनोटमा स्थान बनाउन सकेनन् ।

नेपालको २३- सदस्यीय टोलि टोलि:

गो. कि: किरण चेम्जोङ, विकेश कुथु, विशाल श्रेष्ठ

डिफेन्डर: विराज महर्जन, जितेन्द्र कार्की, कमल श्रेष्ठ, दीनेश राजवंशी, अनन्त तामाङ, देवेन्द्र तामाङ, आदित्य चौधरी

मिड: अञ्जन विष्ट, हेमन्त थापा मगर, विक्रम लामा, हेमन गुरुङ, विशाल राई, सुजल श्रेष्ठ, सुनिल बल, रोहित चन्द

फर्वार्ड: प्रिन्स जर्ज कार्की, नवयुग श्रेष्ठ, भरत खवास, विमल घर्ती मगर